ಬೆಂಗಳೂರು : ದ್ರಾವಿಡ ಭಾಷೆದ ಅನುವಾದಕೆರೆನ ಸಂಘ (ಡಿಬಿಟಿಎ) ಕೊರ್ಪಿನ 2026ನೇ ‘ಅನುವಾದ ಪ್ರಶಸ್ತಿಗ್’ ಅರ್ಜಿ ಸಲ್ಲಿಸಾವುನ ಕಡೆತ ತೇದಿನ್ ಜುಲೈ 15, 2026 ಮುಟ್ಟ ವಿಸ್ತಾರ ಮಲ್ತೆರ್ ಪಂದ್ ಸಂಘ ಪನ್ಪುಂಡು.
ದ್ರಾವಿಡ ಭಾಷೆಲೆಲಾಯಿನ ಮಲಯಾಳಂ, ಕನ್ನಡ, ತಮಿಳು, ತುಳು ಭಾಷೆಲೆಡ್ದ್ ತೆಲುಗು ಭಾಷೆಗ್ ಅನುವಾದ ಆಯಿನ ಕಾದಂಬರಿಲೆಗ್ ಈ ವರ್ಷದ ಪ್ರಶಸ್ತಿನ್ ಕೊರ್ಪೆರ್. 2024 ಬೊಕ್ಕ 2025ಡ್ ಪ್ರಕಟ ಆಯಿನ ಅನುವಾದ ಆಯಿನ ಕೃತಿಲೆನ್ ಮಾತ್ರ ಪರಿಗಣನೆ ಮಲ್ಪುವೆರು.
ಪ್ರಶಸ್ತಿಗಾದ್ ಅರ್ಜಿ ಸಲ್ಲಿಸವುನಕುಲು ಅನುವಾದ ಮಲ್ತಿನ ಕೃತಿದ ಮೂಜಿ ಪ್ರತಿಲೆನ್ ,ಅಧ್ಯಕ್ಷೆರ್ DBTA, ಶ್ರೀ ಭೈರವೇಶ್ವರ ನಿಲಯ, ಇಮ್ಮಡಿಹಳ್ಳಿ ಮುಖ್ಯ ರಸ್ತೆ, ಹಾಗದೂರು, ವೈಟ್ ಫೀಲ್ಡ್, ಬೆಂಗಳೂರು – 560066 ಗ್ ಜುಲೈ 15 ತಾರೀಕ್ ದ ದುಂಬು ಕಡಪುಡೊಡು.
ರೂ.11,111/- ನಗದು ಬಹುಮಾನ, ಒಂಜಿ ಉಲ್ಲೇಖ ಬೊಕ್ಕ ಒಂಜಿ ಸ್ಮರಣೆನ್ ಒಟ್ಟು ಮಲ್ಪುನ ಈ ಪ್ರಶಸ್ತಿನ್ ಸೆಪ್ಟೆಂಬರ್ ಡ್ ನಡಪುನ ಸಂಘದ ಐನ್ ನೇ ವಾರ್ಷಿಕೋತ್ಸವದ ಕಾರ್ಯಕ್ರಮೊಡು ಕೊರ್ಪೆರ್ ಪಂದ್ ಸ್ಥಾಪಕ ಅಧ್ಯಕ್ಷೆ ಡಾ. ಸುಷ್ಮಾ ಶಂಕರ್ ಪನ್ಪೆರ್.
DBTA ಅನುವಾದ ಪ್ರಶಸ್ತಿನ್ 2024ಡ್ ತಮಿಳು ಅನುವಾದೊಗು ಬೊಕ್ಕ 2025ಡ್ ಕನ್ನಡ ಅನುವಾದೊಗು ಕೊರ್ತೆರ್. 2027ಡ್ ಮಲಯಾಳಂ ಅನುವಾದೊಗು ಕೊರ್ಪೆರ್.
ಜಾಸ್ತಿ ಮಾಹಿತಿಗ್: 9901041889, 8147212724
