ಮೈಸೂರು : ನಿರಂತರ ಫೌಂಡೇಶನ್ (ರಿ.), ಮೈಸೂರು ಆಯೋಜಿಸುವ ‘ಸಹಜ ರಂಗ 2026’ ಕಾಲೇಜು ವಿದ್ಯಾರ್ಥಿಗಳಿಗೆ ರಂಗ ತರಬೇತಿ ಶಿಬಿರವನ್ನು ದಿನಾಂಕ 30 ಆಗಸ್ಟ್ 2026ರಿಂದ 30 ಸೆಪ್ಟೆಂಬರ್ 2026ರವರೆಗೆ ಪ್ರತಿ ಸಂಜೆ 4-45ರಿಂದ 8-15ರವರೆಗೆ ಮೈಸೂರಿನ ಮಾನಸಗಂಗೋತ್ರಿ ಗಾಂಧಿ ಭವನದಲ್ಲಿ ಹಮ್ಮಿಕೊಳ್ಳಲಾಗಿದೆ. 18ರಿಂದ 35 ವರ್ಷದೊಳಗಿನ ಕಾಲೇಜು ವಿದ್ಯಾರ್ಥಿಗಳು ಹಾಗೂ ರಂಗಾಸಕ್ತರು ಈ ಶಿಬಿರದಲ್ಲಿ ಭಾಗವಹಿಸಬಹುದು. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ 27 ಆಗಸ್ಟ್ 2026.
ರಂಗಭೂಮಿಯ ಬಗ್ಗೆ ಆಸಕ್ತಿ ಹೊಂದಿರುವ 18ರಿಂದ 35 ವರ್ಷದೊಳಗಿನ ವಿದ್ಯಾರ್ಥಿಗಳು ಹಾಗೂ ರಂಗಾಸಕ್ತರಿಗೆ ಒಂದು ಸುವರ್ಣಾವಕಾಶ! ನಿಮ್ಮೊಳಗಿನ ಕಲಾವಿದನನ್ನು ಗುರುತಿಸಿ, ರಂಗಭೂಮಿಯ ವಿವಿಧ ಆಯಾಮಗಳನ್ನು ಅರಿತುಕೊಂಡು, ಅಭಿನಯ, ಸೃಜನಶೀಲತೆ ಹಾಗೂ ರಂಗಕೌಶಲ್ಯಗಳನ್ನು ಬೆಳೆಸಿಕೊಳ್ಳಲು ‘ಸಹಜರಂಗ 2026’ ರಂಗ ತರಬೇತಿ ಶಿಬಿರಕ್ಕೆ ನಿಮ್ಮನ್ನು ಆತ್ಮೀಯವಾಗಿ ಆಹ್ವಾನಿಸುತ್ತೇವೆ.
ರಂಗ ಶಿಬಿರದಲ್ಲಿನ ಪಠ್ಯಕ್ರಮಗಳು : ರಂಗಭೂಮಿ ಚರಿತ್ರೆ, ರಂಗಭೂಮಿ ಮತ್ತು ಭಾಷೆ, ರಂಗ ಸಂಗೀತ, ಅಭಿನಯ, ರಂಗಭೂಮಿ ಮತ್ತು ಪರಿಸರ, ರಂಗಭೂಮಿ ಮತ್ತು ನೆಲ, ಜಲ, ರಂಗಭೂಮಿ ಮತ್ತು ಸಿನಿಮಾ, ಜನಪದ ರಂಗಭೂಮಿ, ಕಥಾಲೋಕ ಮತ್ತು ನಾಟಕ, ಕಾವ್ಯ ಮತ್ತು ನಾಟಕ, ನಾಟಕ ರಚನೆ, ನಾಟಕ ಓದುವಿಕೆ / ವಾಚನ, ರಂಗ ವಿಮರ್ಶೆ, ರಂಗಸಜ್ಜಿಕೆ, ಬೆಳಕು, ವಸ್ತ್ರ ವಿನ್ಯಾಸ, ರಂಗ ಸಂಘಟನೆ.
ಶಿಬಿರದ ನಂತರವೂ ಶಿಬಿರಾರ್ಥಿಗಳಿಗೆ ಮುಂದಿನ ಕಲಿಕೆ ಹಾಗೂ ರಂಗಚಟುವಟಿಕೆಗಳಲ್ಲಿ ಭಾಗವಹಿಸಲು ಅವಕಾಶ ಮಾಡಿಕೊಡಲಾಗುವುದು. ರಂಗಭೂಮಿಯ ಬಗ್ಗೆ ನಿಮ್ಮ ಆಸಕ್ತಿ, ನಿಮ್ಮ ಪ್ರತಿಭೆ ಮತ್ತು ನಿಮ್ಮ ಕನಸುಗಳಿಗೆ ಒಂದು ವೇದಿಕೆ — ಸಹಜರಂಗ 2026. ಬನ್ನಿ… ರಂಗಭೂಮಿಯನ್ನು ಕಲಿಯೋಣ, ಅನುಭವಿಸೋಣ, ಸೃಷ್ಟಿಸೋಣ! ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ : 8951755267 / 9611074424 / 9980273167.
