ಕುಂಜತ್ತೂರು : ಲಕ್ಷ್ಮೀ ಟೀಚರ್, ಕಣ್ಣಪ್ಪ ಮಾಸ್ಟರ್ ಮೆಮೋರಿಯಲ್ ಟ್ರಸ್ಟ್ ಕುಂಜತ್ತೂರು ಮುಕ್ಲೆನ ನಿಲೆಟ್, ತಾರೀಕ್ 07 ಜೂನ್ 2026ದಾನಿ ಕುಂಜತ್ತೂರು ಶ್ರೀ ಮಾತಾಕಲಾ ಮಂದಿರೊಡು ವಿಶ್ವ ಪರಿಸರ ದಿನೊತಾನಿ ಜೋಕ್ಲೆಗ್ ಪಸಂತ್ರೊದ ಬಗೆಟ್ ಚಿತ್ರ ಬುಡ್ಪಾವುನ ಪಂಥೊ ನಡತ್ಂಡ್.
ಕುಂಜತ್ತೂರುದ ಸುತ್ತೊರ್ಮೆದ ಅತ್ತಾಂದೆ, ಕೊಲ್ಯ, ತೊಕ್ಕೊಟ್ಟು, ಕುಡ್ಲರ್ದ್ ಲಾ ಸುಮಾರ್ ಜೋಕುಲು ಪಂಥೊಡು ಪಾಲ್ ಪಡೆಯೆರ್. ಸೂರೂತ, ರಡ್ಡನೇ ಬೊಕ ಮೂಜನೆ ಇನಾಮು ಗೆಂದಿನಕ್ಲೆಗ್ ಪಣವುದ ಇನಾಮುನಾ ಪಾಲ್ ಪಡೆಯಿನ ಮಾತಾ ಜೋಕ್ಲೆಗ್ ನೆಂಪುದೋಲೆಲಾ ಕೊರ್ಯೆರ್. ಜೋಕ್ಲೆಡ್ ಪಸೊಂತ್ರೊದ ಮೋಕೆ ಬೊಕ ಕಾಪು ಪುಟ್ಟಾಯೆರೆಗಾದ್ ಪಸಂತ್ರೊದ ಚಿತ್ರ ಪಂಥೊ ಒಂಜಿ ನೆವನ ಆಪುಂಡು, ದೇವೆರ್ ನಂಕ್ ಈ ಪುಡಮಿದ ಮಿತ್ತ್ ಬದ್ಕೆರೆ ಪೊರ್ಲುದ ಪಸಂತ್ರೊನು ಉಂಡು ಮನ್ತ್ದೆರ್, ಅಯಿನ್ ಒರಿಪುನ, ಕಾಪುನ ನಮ್ಮ ಕರ್ತವ್ಯ ಆದುಂಡುಂದು ಟ್ರಸ್ಟ್ ದ ಪದುಕೆರಾಯಿನ ಶ್ರೀಮತಿ ಚಂದ್ರಿಕಾ ಟೀಚರ್ ಪಂಡೆರ್.
ಈ ಲೇಸ್ ಡ್ ಶ್ರೀಮತಿ ಕುಶಲಾಕ್ಷಿ ವಿ. ಕುಲಾಲ್ ಕಣ್ವತೀರ್ಥ ಮಲ್ಲ ಬಿನ್ನರಾದಿತ್ತ್ದ್, ಸೈಂಟ್ ಸೆಬಾಸ್ಟಿಯನ್ ಶಾಲೆ ತೊಕ್ಕೊಟ್ಟುದ ಚಿತ್ರ ಕಲ್ಪಾದಿ ಆಯಿನ ಶ್ರೀ ಚಂದ್ರಾಡ್ಕರ್ ಬೊಕ ರಾಷ್ಟ್ರಪ್ರತಿಷ್ಠಾನದ ಡ್ರಾಯಿಂಗ್ ಕಲ್ಪಾದಿ ಶ್ರೀ ಕಿಶೋರ್ ಒತ್ತುಪಾಲ್ಡಿತ್ತೆರ್. ಶ್ರೀಮತಿ ಮಾಳವಿಕಾ, ಕುಮಾರಿ ಶಾರದಾ ಸಗಾಯ ಮಂತೆರ್. ಟ್ರಸ್ಟ್ ದ ಶ್ರೀ ರವಿ ಉಚ್ಚಿಲ್ ಬೊಕ ಇಲ್ಲದಕುಲು ಒತ್ತುಸಾಗಾಯೊಡು ಇತ್ತೊಂದು ಜೋಕ್ಲೆಗ್ ಫಲಹಾರದ ವ್ಯವಸ್ಥೆ ಮಂತೆರ್. ಜೋಕ್ಲೆನ ಒಟ್ಟಿಗೆ ಜೋಕ್ಲೆನ ಅಪ್ಪೆಮ್ಮೆ, ಇಲ್ಲದಕುಲು ಲೇಸ್ಗ್ ಪೊರ್ಲು ದಿಂಜಾಯೆರ್.
ಚಿತ್ರಕಲಾ ಸ್ಪರ್ಧೆಯ ವಿಜೇತರು
ಪ್ರಾಥಮಿಕ ವಿಭಾಗ : ಪ್ರಥಮ : ಅದೈವಿಕ ಎಸ್. ಶೆಟ್ಟಿ, ಆರ್.ಸಿ.ಸಿ. ಸೆಂಟ್ರಲ್ ಸ್ಕೂಲ್
ದ್ವಿತೀಯ : ಜೆಸ್ವಿತಾ ಜಿ., ಶ್ರೀ ಮಹಾಲಿಂಗೇಶ್ವರ ಸ್ಕೂಲ್
ತೃತೀಯ : ಧನುಷ್ ಮೌರ್ಯ, ಉಚ್ಚಿಲ ಭೋವಿ ಶಾಲೆ
ಹಿರಿಯ ಪ್ರಾಥಮಿಕ ವಿಭಾಗ : ಪ್ರಥಮ : ಸುಶಾಂತ್ ಜೆ., ಸೇಂಟ್ ಲಾರೆನ್ಸ್ ಇಂಗ್ಲೀಷ್ ಮೀಡಿಯಂ ಶಾಲೆ
ದ್ವಿತೀಯ : ಮಹಿಮಾ ವಿ.ಎಸ್., ಎಂ.ಎ.ಎಸ್. ಕುನಿಲ್ ಸ್ಕೂಲ್
ತೃತೀಯ : ಶ್ರೇಯ ಶೆಟ್ಟಿ, ಶಾರದಾ ವಿದ್ಯಾನಿಕೇತನ ಪಬ್ಲಿಕ್ ಸ್ಕೂಲ್
ಪ್ರೌಢಶಾಲಾ ವಿಭಾಗ : ಪ್ರಥಮ : ವಿನಿಷಾ ಡಿ., ಕೇಂದ್ರೀಯ ವಿದ್ಯಾಲಯ
ದ್ವಿತೀಯ : ಗೌರವ್ ಜೆ.ಸಿ. , ಜಿ.ವಿ.ಜಿ.ಎಸ್.ಎಸ್. ಕುಂಜತ್ತೂರು
ತೃತೀಯ : ದಿಪಾಲಿ ಡಿ., ಶ್ರೀ ಮಹಾಲಿಂಗೇಶ್ವರ ಸ್ಕೂಲ್
