ಮಂಗಳೂರು : ಕುಳಾಯಿ ಹೊಸಬೆಟ್ಟಿನ ಶ್ರೀ ಶಾರದಾ ನಾಟ್ಯಾಲಯ ಮತ್ತು ಸುರತ್ಕಲ್ ಗೋವಿಂದ ದಾಸ ಕಾಲೇಜಿನ ಲಲಿತಕಲಾ ಸಂಘ ಇವರ ಸಹಯೋಗದಲ್ಲಿ ಶೀಲಾ ದಿವಾಕರ್ ಇವರಿಗೆ ಅರ್ಪಿಸುವ ಗುರುವಿಗೊಂದು ನಾಟ್ಯ ನಮನ ‘ಗಾನ ಶಾರದೆಗೆ ನಮನ’ ಕಾರ್ಯಕ್ರಮವು ದಿನಾಂಕ 26-01-2024ರಂದು ಸುರತ್ಕಲ್ಲಿನ ಗೋವಿಂದ ದಾಸ ಕಾಲೇಜಿನ ರಂಗ ಮಂದಿರದಲ್ಲಿ ನಡೆಯಲಿದೆ.
ಈ ಕಾರ್ಯಕ್ರಮವು ಸುರತ್ಕಲ್ಲಿನ ಗೋವಿಂದ ದಾಸ ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ. ಕೃಷ್ಣಮೂರ್ತಿ ಪಿ. ಇವರ ಅಧ್ಯಕ್ಷತೆಯಲ್ಲಿ ನಡೆಯಲಿದ್ದು, ಕಲ್ಕೂರ ಪ್ರತಿಷ್ಠಾನದ ಅಧ್ಯಕ್ಷರಾದ ಶ್ರೀ ಪ್ರದೀಪ್ ಕುಮಾರ್ ಕಲ್ಕೂರ ಇವರು ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.
ಸಭಾ ಕಾರ್ಯಕ್ರಮದ ನಂತರ ವಿದುಷಿ ಶ್ರೀಮತಿ ಪ್ರಣತಿ ಸತೀಶ್, ವಿದುಷಿ ಶ್ರೀಮತಿ ಪೂರ್ಣಿಮಾ ತೇಜಸ್ ರಾನಡೆ, ವಿದುಷಿ ಕುಮಾರಿ ವೈಷ್ಣವಿ ಡಿ., ವಿದುಷಿ ಕುಮಾರಿ ದೀಪಾಲಿ ಡಿ.ಕೆ., ಕುಮಾರಿ ಶ್ರದ್ಧಾ ಎಮ್., ಕುಮಾರಿ ಅಮೃತಾ ರಾವ್, ಕುಮಾರಿ ಚಿನ್ಮಯೀ ಎಸ್. ರಾವ್ ಮತ್ತು ಮಾಸ್ಟರ್ ತನ್ಮಯ್ ಸುರೇಶ್ ಇವರುಗಳು ನೃತ್ಯ ನಮನ ನಡೆಸಿಕೊಡಲಿದ್ದು, ನಟುವಾಂಗ ಹಾಗೂ ನೃತ್ಯ ನಿರ್ದೇಶನ ಗುರು ವಿದುಷಿ ಶ್ರೀಮತಿ ಭಾರತಿ ಸುರೇಶ್, ಹಾಡುಗಾರಿಕೆ ಬೆಂಗಳೂರಿನ ವಿದುಷಿ ಶ್ರೀಮತಿ ರಜನಿ ವರುಣ್ ಗೋರೆ, ಉಡುಪಿಯ ವಿದ್ವಾನ್ ಶ್ರೀ ಕೆ. ಬಾಲಚಂದ್ರ ಭಾಗವತ್‌ ಮೃದಂಗದಲ್ಲಿ ಮತ್ತು ಉಡುಪಿಯ ವಿದ್ವಾನ್ ಶ್ರೀ ಪಿ. ಶ್ರೀಧರ್ ಆಚಾರ್ ಪಾಡಿಗಾ‌ರ್ ಪಿಟೀಲಿನಲ್ಲಿ ಸಾಥ್ ನೀಡಲಿದ್ದಾರೆ.
